Bislimi takon përfaqësuesin e Komisionit Evropian, theksohet progresi i Kosovës në tregti dhe industri

14:33 | 11 Korrik 2025
E.K

Zëvendëskryeministri i parë në detyrë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim Shefin e Divizionit për Kosovë pranë Komisionit Evropian, Jiri Plecity.

Takimi u mbajt një ditë pas Nënkomitetit për Tregti, Industri, Dogana dhe Tatime. Ky është nënkomiteti i parë që u zhvillua pas fillimit të largimit gradual të masave. Në bashkëbisedim u shpreh se përkundër mosmbajtjes së nënkomiteteve gjatë kësaj periudhe, nga takimi i djeshëm dukshëm u vërejt se Kosova ka pasur progres substancial në këto fusha.

U diskutua edhe rëndësia e bashkëpunimit mbi prioritetet e projekteve përgjatë procesit të koordinimit të IPA ’25-’27, vlerësim i cili pritet të bëhet në tetor të këtij viti./Arbresh.info